Аплата праз АРІП без камісій

37 000

Вытворцаў паслуг

20 900

тэрміналаў для прыёму
плацяжоў у АРІП

78 300

паслуг, даступных для
аплаты ў дрэве АРІП

У АРІП плацяжы даступныя як фізічным, так і юрыдычным асобам. Здзейсніць аплату можна наяўнымі і безнаяўнымі грашовымі сродкамі, электроннымі грашыма з выкарыстаннем розных плацежных інструментаў.
Выбар месца, часу, спосабу здзяйснення плацяжу застаецца за вамі:

любы пункт прыёму плацяжоў на тэрыторыі Рэспублікі (аддзяленне банка/пошты, банкамат, інфакіёск, інтэрнэт-банкінг, м-банкінг і інш.);

на карысць любога атрымальніка плацяжу, падключанага да АРІП;

у рэжыме 24/7.

Аплата ў АРІП даступная

0% камісіі для плацельшчыкаў

Захаванне дадзеных аб плацяжах

Адзіная база па паслугах

Прыём плацяжоў 24/7

АРІП стаў незаменнай аплатнай прыладай, якая дапамагае ў некалькі клікаў здзяйсняць плацяжы без указання банкаўскіх рэквізітаў і нумароў банкаўскіх карт. АРІП заўсёды пад рукой, бо АРІП ёсць у кожным сматрфоне. АРІП аб'ядноўвае вялікую колькасць арганізацый і дае магчымасць аплаты шырокага спектра паслуг. Так, напрыклад, у АРІП магчыма здзяйсняць аплаты за камунальныя паслугі, плацяжы ў бюджэт (падаткі, штрафы, унёскі), папаўненне банкаўскіх рахункаў і аплата крэдытаў, мабільнай сувязі, а таксама ёсць магчымасць аплаты на карысць інтэрнэт-крам, самазанятых. АРІП забяспечвае высокі ўзровень абароны інфармацыі, гарантуе бяспеку вашых плацяжоў.

Папулярныя пытанні

Папулярныя пытанні і карысная інфармацыя

Дзе можна аплаціць паслугі ў АРІП?

Аплата ў АРІП магчымая:

у 20 банках Рэспублікі Беларусь (у касах, прыладах самаабслугоўвання, інтэрнэт- і мабільны банкінг);
у РУП «Белпошта» (у аддзяленнях і праз тэрміналы самаабслугоўвання, паштальён);
з дапамогай плацежных сэрвісаў;
праз АРІП без межаў (магчымасць аплаты картамі нерэзедэнтаў РБ, у дадзеным сэрвісе прадстаўлена частка паслуг Дрэва паслуг АРІП).

Як аплаціць з сайта raschet.by?

Аплата на сайце www.raschet.by немагчымая. На сайце ёсць магчымасць выбару паслугі ў Дрэве паслуг АРІП і пераходу да аплаты з дапамогай выбранага плацежнага інструмента.

Ці ёсць камісія пры аплаце ў АРІП?

Пры ажыццяўленні плацяжу ў АРІП камісія з плацельшчыка (фізічнай асобы) не спаганяецца.

Камісійнае ўзнагароджанне аплачвае арганізацыя, якая аказвае паслугі.

Камісія не спаганяецца таксама пры ажыццяўленні банкаўскіх пераводаў (плацяжоў), пагашэнні крэдытаў/растэрміновак, папаўненні эл. кашалькоў.

Звярніце ўвагу, што арганізацыя, якая аказвае паслугі, самастойна вызначае парадак кампенсацыі камісійнай узнагароды, панесенай пры ўзаемадзеянні з АРІП.

Як доўга чакаць залічэння аплачанай сумы на баланс?

Тэрміны залічэння грашовых сродкаў на баланс нумара тэлефона/ дагавора/ крэдытнай карты/электронны кашалёк і інш. рэгламентуецца атрымальнікам плацяжу (арганізацыяй, якая аказвае паслугі).

Як вярнуць памылковы плацёж?

Для вяртання грашовых сродкаў звярніцеся, калі ласка, да атрымальніка плацяжу.

Атрымальнік плацяжу, разгледзеўшы ваш зварот, прыме рашэнне аб вяртанні грашовых сродкаў.

Якое абмежаванне на суму пры пераводзе?

АРІП абмежаванняў на суму не ўстанаўлівае. Абмежаванне на суму плацяжу можа быць устаноўлена з боку атрымальніка плацяжу.

Як аплаціць у АРІП з-за мяжы?

Знаходзячыся за межамі Рэспублікі Беларусь, аплату ў АРІП можна здзяйсняць наступнымі спосабамі:

з дапамогай інтэрнет-, мабільнага банка, калі карта эмітавана банкам Рэспублікі Беларусь;
частка паслуг АРІП размешчана для аплаты на сэрвісе ААТ «Парытэтбанк» АРІП без межаў. Аплата з дадзенага сэрвісу магчымая толькі з дапамогай карт, эмітаваных банкамі - нерэзідэнтамі РБ.

Як аплаціць нерэзідэнтам?

Аплата карткамі, эмітаванымі банкамі-нерэзідэнтамі Рэспублікі Беларусь, праз АРІП магчыма з выкарыстаннем сэрвісу ААТ «Парытэтбанк» АРІП без межаў. Для здзяйснення плацяжу неабходна перайсці па спасылцы: https://erip.paritetbank.by/.

Далей для здзяйснення аплаты неабходна пакрокава выбіраць:

катэгорыю паслуг;
населены пункт (пры наяўнасці);
вытворцы паслуг;
паслугу.

Далей неабходна ўнесці даныя для аплаты і рэквізіты банкаўскай карты. Звяртаем увагу, што ў АРІП без межаў прадстаўлена частка паслуг з Дрэва паслуг АРІП.

Дзе знайсці нумар плацельшчыка АРІП?

Нумар плацельшчыка АРІП - гэта ўнікальны нумар, які прысвойваецца плацельшчыку пры ажыццяўленні першай аплаты праз АРІП і ўказваецца ў чэку.

Як аплаціць калі няма нумара плацельшчыка АРІП?

Нумар плацельшчыка АРІП не з'яўляецца абавязковым рэквізітам для аплаты. У выпадку, калі нумар плацельшчыка АРІП невядомы або плацяжы здзяйсняюцца ўпершыню, неабходна выбраць паслугу па дрэве паслуг АРІП і ўвесці асабісты рахунак. Пасля правядзення плацяжу нумар плацельшчыка будзе пазначаны ў чэку.

Як даведацца асабовы рахунак для аплаты?

Звесткі аб наяўнасці асабовых рахункаў, іх уладальніках, нумарах і іншых рэквізітах рахункаў, памеры сродкаў, выстаўленых да аплаты, адносяцца да інфармацыі абмежаванага распаўсюджвання.

Атрымальнікі плацяжу (арганізацыі, якія аказваюць паслугі) абавязаны даводзіць да ведама плацельшчыкаў нумары асабовых рахункаў і размяшчэнне іх паслуг у дрэве паслуг АРІП.

Асабовы рахунак/нумар дамовы пазначаны ў Дагаворы на аказанне паслуг паміж атрымальнікам плацяжу і плацельшчыкам. Калі ў Дагаворы інфармацыя не прапісана, то неабходна звяртацца да атрымальніка плацяжу і ўдакладняць асабовыя рахункі для аплаты.

Як даведацца суму налічэнняў? Чаму такая сума выстаўлена?

Аплата ў АРІП праходзіць на падставе дадзеных, якія перадаюцца ў АРІП атрымальнікам плацяжу (арганізацыяй, якая аказвае паслугі).

Калі ўзніклі пытанні па налічэнні і правільнасці ўказаных звестак, то для атрымання кансультацыі неабходна звяртацца ў арганізацыю, якая ажыццяўляе налічэнне платы за паслугі.

Чаму мая аплата не ўлічана?

Па пытанні ўліку плацяжу неабходна звярнуцца да атрымальніка плацяжу (арганізацыю, якая аказвае паслугі), бо менавіта ён ажыццяўляе ўлік па паслугах, якія прадастаўляюцца.

Дзе даведацца тарыфы на электраэнергію/ваду/газ?

Аплата ў АРІП ажыццяўляецца на падставе патрабаванняў да аплаты, прадастаўленых атрымальнікам плацяжу (арганізацыяй, якая аказвае паслугі). У патрабаваннях на аплату атрымальнік плацяжу перадае неабходную для здзяйснення плацяжу інфармацыю: асабовыя рахункі, паказанні лічыльнікаў і тарыфы (пры наяўнасці), алгарытм і опцыі аплаты.

Для ўдакладнення тарыфаў звярніцеся, калі ласка, у арганізацыю, якая налічвае аплату за паслугу.

Як аплаціць падатак?

Для аплаты падаткаў у АРІП неабходна паслядоўна выбраць: