29 чэрвеня адбылася прэзентацыя нацыянальнага плацежнага сэрвісу КРОК. Гэта адзіны сэрвіс імгненных QR-плацяжоў, які дазваляе аплачваць пакупкі напрамую з банкаўскага рахунку без выкарыстання карты. Сэрвіс працуе на базе сістэмы імгненных плацяжоў і плацежнай сістэмы ў АРІП.
У мерапрыемстве прынялі ўдзел прадстаўнікі Нацыянальнага банка, банкаўскага сектара, рытэйла і медыя. Галоўны фокус прэзентацыі - стварэнне суверэннай і бяспечнай фінансавай інфраструктуры.
Як адзначыў Старшыня Праўлення Нацыянальна банка Раман Галоўчанка: "КРОК - гэта маленькі крок для карыстальніка, але вялікі рывок для плацежнай інфраструктуры краіны". Сэрвіс поўнасцю распрацаваны ў Беларусі, забяспечвае максімальную хуткасць транзакцый і ўмацоўвае тэхналагічную незалежнасць рынку.
Як працуе аплата
Архітэктуру рашэння прадставіў першы намеснік Старшыні Праўлення Нацыянальнага банка Аляксандр Ягораў. Плацяжы праходзяць без картачных тэхналогій, напрамую з рахунку. Пакупнік скануе QR-код на касе (ці паказвае свой для сканавання прадаўцом) і пацвярджае аперацыю ў мабільным дадатку банка. Тэхналогія цалкам бяспечная: QR-код не змяшчае персанальных дадзеных ці рэквізітаў.
Выгоды для бізнесу
Прадстаўнікі НКФА АРІП, Беларусбанка і Банка Дабрабыт падкрэслілі, што КРОК лёгка ўбудоўваецца ў касавыя працэсы і фарміруе новы адзіны плацежны вопыт. Сэрвіс падыходзіць як для афлайн-крам, так і для аплат на сайтах.
КРОК адкрывае кампаніям дадатковыя магчымасці: аўтаматызуе разлікі, зніжае долю наяўных грошай і забяспечвае імгненнае залічэнне сродкаў нават у выходныя і святы. Гэта спрашчае кіраванне ліквіднасцю і павялічвае аперацыйную эфектыўнасць бізнэсу.
Этапы запуску
• З 1 ліпеня сэрвіс пачне працаваць у асобных крамах Мінска, Віцебска, Гомеля і Салігорска, а таксама ў інтэрнэце. На старце КРОК будзе даступны ў мабільных дадатках пяці банкаў (Беларусбанка, Белаграпрамбанка, Альфа-Банка, Прыёрбанка, Банка Дабрабыт).
• З 1 снежня 2026 года тэхналогія з'явіцца ва ўсіх мабільных дадатках беларускіх банкаў.
У перспектыве інтэграцыя з сэрвісам «Аплаці» зробіць КРОК яшчэ больш даступнымі.
Мой QR 
